Tert.am-ը գրում է.
Հայաստանի գլխավոր ինֆեկցիոնիստ Արա Ասոյանը շարունակելով մտահոգված լինել Բաղրամյան պողատայի սանիտարահիգիենիկ վիճակով, Tert.am-ի միջոցով երիտասարդներին փոխանցեց իր մասնագիտական խորհուրդները:
«Որ հաց չուտեն դրսում, գնան տուն, ուտեն վերադառնան, որովհետև նայե՞լ եք ջերմաստիճանին փողոցում, հենց հիմա 36, աստիճան է: Ցանկացած որակյալ սնունդ, եթե 5-10 րոպե մնա փողոցում՝ արևի ճառագայթների տակ, կդառնա ամենավտանգավոր ուտելիքը ցանկացած օրգանիզմի համար»,- հայտարարեց Արա Ասոյանը ու ավելացրեց. «Ես դրա համար շատ մտահոգ եմ»:
ՀՀ գլխավոր ինֆեկցիոնիստը «մի քիչ կասկածում է նաև, թե էդ որ ջուր են բերում, ինչ ջուր է …»:
Նա մի քանի անգամ այցելել է ցուցարարներին, նրանց էլ հայտնել իր մտահոգությունները, պատրաստվում է նորից այցելել: Ի պատասխան, թե երիտասարդներն ինչ են ասում, Արա Ասոյանը նկատեց. «Իրենք կիսվում են իմ հետ ու մարդիկ պատրաստ են իմ ընդունել իմ բոլոր խորհուրդները»:
Ինչ վերաբերում է աղբամանների, որոնք մշտապես դատարկվում են, ապա Արա Ասոյանը աղբամաններից վտանգ չի տեսնում: