Tert.am–ը գրում է.
Մեծ Բրիտանիայի Էլիզաբեթ II թագուհին հայտարարել է մոտ ապագայում Եվրամիության կազմից երկրի դուրս գալու վերաբերյալ հանրաքվեի օրենքի ընդունման մասին:
Ինչպես տեղեկացնում է Корреспондент-ը` DW-ին հղումով, երկրի ղեկավարը չորեքշաբթի բրիտանական խորհրդարանի առաջ իր գահական ճառում հաղորդել է, որ ԵՄ-ին հետագա անդամակցության մասին համազգային հանրաքվեն պետք է անցկացվի մինչև 2017 թվականի վերջը:
«Իմ կառավարությունը նոր բանակցություններ կվարի Միացյալ Թագավորության և Եվրոպական միության միջև հարաբերությունների շուրջ», - հայտարարել է թագուհին:
Ինչպես հաղորդում է Reuters գործակալությունը` հանրաքվեի անցկացմանն ընդառաջ Բրիտանիայի վարչապետ Դևիդ Քեմերոնը մտադիր է քննարկել ԵՄ-ի բարեփոխումները, որոնք «օգտակար կլինեին բոլոր անդամ երկրներին»:
Ավելի վաղ Էլիզաբեթ II-ը հաստատել էր, որ Լոնդոնը կշարունակի ճնշում գործադրել Ռուսաստանի վրա` կապված Ուկրաինայում տիրող իրավիճակի հետ: