Araratnews.am-ը գրում է.
Ցեղասպանության 100-րդ տարելիցի, Հայկական հարցի հանգուցալուծման մասին այսօր լրագրողների հետ զրույցի ժամանակ խոսեց «Մոդուս Վիվենդի» կենտրոնի ղեկավար Արա Պապյանը: «Թուրքիայի համար հայերի ցեղասպանությունը Հայկական հարցի լուծման սպառում էր: Հայկական հարցը հիմա տեղափոխվել է միջազգային հանրություն՝ բայց ոչ նույն անունով: Ակնհայտ են սահմանները, որոնք ընդգծվել են Առաջին համաշխարհային պատերազմից հետո, կայուն չեն և ենթական են փոփոխության»:
Հիմա մեր ուշադրությունը ավելի շատ սևեռվել է թե Ցեղասպանության 100-ամյակին, թե ով կգա ու ծաղիկ կդնի հուշարձանի վրա, ցավով նշեց Արա Պապյանը: «Մեր ուշադրութունը պետք է սևեռվի 3 ուղղությամբ՝ թե ո՞րն է մեր նպատակը, ինչ ենք մեք ուզում Ցեղասպանության ճանաչումից, թե ինչպես մենք կարո՞ղ ենք ապացուցել և հաստատել մեր այդ նպատակը, թե ինչո՞ւ ենք մենք ուզում այս ամենը, մեր ինչներին է պետք: Ցեղասպանության բուն նպատակը հայերին կոտորելու միջոցով գույքին ու տարածքներին տիրապետելն էր: Ստացվում է, որ Ցեղասպանության վերացման համար պայքարը ոչ թե տարածքային հարց է, որի լուծումը պետք է տրվի, այլ ժողովրդի անվտանգության ապահովումը: Այնպես որ Հայաստանը չի կարող անվտանգ լինել առանց իր ամբողջական տարածքի»:
Ամբողջական հոդվածը կարող եք կարդալ այստեղ
