«Ժիրայր Սեֆիլյանի գլխավորած «100 ամյակը առանց ռեժիմի» շարժման ավտոերթը դեպի Գյումրի, որը կայանալու է այսօր, փորձ է արվում խոչընդոտել: Այդ մասին մեզ հետ զրույցում ասաց Հիմնադիր Խորհրդարանի խոսնակ Վարուժան Ավետիսյանը:

Նա մեզ պատմեց, որ վերջին օրերին միջնորդավորված ձևով իրենց հետ են կապվում քրեական հեղինակություններ ու հորդորում ավտոերթով Գյումրի չգնալ: «Առայժմ անունների մասին չենք նշում, քրեական աշխարհի անդամներ են ու ասում են մի եկեք Գյումրի, ճիշտ չի գալը, լավ կլինի չգաք, որ գաք լավ չի լինի: Այս տիպի բաներ ու առանց հիմնավորման»,-պատմելով խոչընդոտների մասին ասաց Ավետիսյանը: Անկախ սրանից ըստ Ավետիսյանի, ավտոերթը դեպի Գյումրի կայանալու է, ու իրենք այսօր ժամը 16:00-ին Գյումրու Սբ. Ամենափրկիչ եկեղեցու հարևանությամբ կհանդիպեն քաղաքացիների հետ: Ավտոերթին կմասնակցի նաև Ժիրայր Սեֆիլյանը»,–գրում է թերթը։

Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print Տպել