1in.am–ը գրում է.
Ռուս ընդդիմադիր գործիչ Բորիս Նեմցովի սպանության պահին նրա կողքին է եղել ուկրաինուհի 23-ամյա մոդել Աննա Դուրիցկայան:
Հայտնի քաղաքական գործիչը մտերիմ է եղել մոդելի հետ: Ականատեսի վկայության շնորհիվ պարզվել է դեպքերի հաջորդականությունը:
Դուրիցկայայի խոսքերով` նա Նեմցովին սպասել է հանրախանութում: Նրանք պատրաստվել են ընթրել այնտեղ: Ժամը 23-ի սահմաններում նրանք դուրս են եկել փողոց ու շարժվել դեպի Վասիլևյան փողոց: Ներկայումս միակ ականատեսի հարցաքննությունը շարունակվում է:
Հիշեցնենք, որ Բորիս Նեմցովը սպանվել էր փետրվարի 27-ի երեկոյան` Մոսկվայի կենտրոնում: Նրա ուղղությամբ նախնական տվյալներով արձակվել է 6-7 կրակոց, որից 4-ը դիպուկ է եղել: Կրակոցները եղել են թիկունքից:
Ստացած մարմնական վնասվածքներից Նեմցովը տեղում մահացել է: Դեպքի առթիվ հարուցվել է քրեական գործ:
