1in.am–ը գրում է.
Facebook Inc.-ին պատկանող Instargam ֆոտոսերվիսի արժեքը գնահատվել է 35 մլրդ դոլար՝ հաղորդում է Bloomberg գործակալությունը, հղում կատարելով Citigroup-ի վերլուծաբան Մարկ Մեին:
Սերվիսի արժեքի աճի գլխավոր հանգամանքներից մեկն օգտատերերի նախատեսվածից ավելի արագ ներգրավումն է և գովազդից ստացված շահույթը:
Նախնական վաճառքի ընթացքում Facebook-ի արժեթղթերի արժեքը աճել է 0,3%-ով, հասնելով մինչև 80,1 դոլարի: Տարվեսկզբից ընկերության կապիտալն ավելացել է 46%-ով, այն դեպքում, երբ Standard & Poor’s 500-ի ինդեքսն ավելացել էր 12%-ով:
Ավելի վաղ, Instagram-ի ղեկավար Քևին Սիսթրոմը հայտարարել էր, որ ծառայության օգտատերերի թիվը հասել է 300մլն-ի, ինչն ավելի շատ է, քան Twitter-ի միկրոբլոգերի թիվը: Ընդ որում, Instargam-ի օգտատերերը 1,8%-ով ավելի ակտիվ են:
