1in.am- ը գրում է`
Բրիտանուհիներին առաջարկել են եղունգների լաքը և կոսմետիկ այլ միջոցներ վարձույթով վերցնել, հաղորդում է Cosmopolitan.co.uk-ը: Ծառայության արժեքը, որի հիմնադիրը Coloristiq ընկերությունն է, ամսական մոտավորապես 23 դոլար է կազմում:
Ֆիրմայի հիմնադիրը իր համոզմունքն է արտահայտել, որ այդ նորարարությունը կանանց հնարավորություն կտա տնտեսել եղունգների խնամքի վրա: Նրանք իրենց բիզնես-գաղափարը համեմատել են DVD վարձույթի հետ:
Կանանց առաջարկվում է ընտրել բազմաթիվ լաքերի և գույների միջից: Մեկ ամսվա ընթացքում թույլատրվում է երեք լաք վերցնել և յուրաքանչյուրն օգտագործել երեք անգամ:
Coloristiq-ի հիմնադիրները բացատրել են, որ լաքի խմբակային օգտագործումը անվնաս է ապագա հաճախորդների համար: Այս կոսմետիկ միջոցների բաղադրությունն այնպիսին է, որ բացառում է բակտերիաների, միկրոբների և ցանկացած այլ վարակների տարածումը: