Tert.am-ը գրում է․
Նորածին Ֆինիքս Չարլզ Էլվելն ընդամենը մեկ օրական հասակում արդեն ջրի մեջ է հայտնվել: Նա այնքան փոքր է, որ տեղավորվում է իր հոր ձեռքերում, և կարևոր չէ, որ նա դեռ շատ բան ունի սովորելու մինչև առանց հոր օգնության լողալ կարողանալը, գրում է Daily Mail-ը:
Ֆինիքսն ամենափոքր երեխան է, որ միացել է «Ջրի երեխաներ» ազգային ծրագրին, որի նպատակն է լողալը դարձնել ոչ միայն անվտանգ, այլև զվարճալի ողջ ընտանիքի համար:
Ծննդյան հաջորդ իսկ օրը փոքրիկի հայրը՝ Սայմոն Էլվելը, իր որդուն մտցրել է Պլիմութի Դերիֆորդ հիվանդանոցի հիդրոթերապիայի լողավազանը: Ի դեպ, նա լողի մարզիչ է:
«Նրան չափազանց շատ դուր եկավ լողավազանում անցկացրած ժամանակը: Ես կարծում եմ՝ նա մեծ հաճույքով կքներ ջրում լողալուց հետո: Դա նաև շատ յուրահատուկ զգացողություն էր ինձ համար»,- պատմել է Սայմոնը:
2002 թվականին «Ջրի երեխաներ» ծրագրի մեկնարկից ի վեր, հետազոտությունը ցույց է տվել, որ ծրագրին մասնակցած երեխաների մոտ բարելավվել է ուտելու և քնելու սովորությունը, ինչպես նաև նրանք ավելի մեծ հասակում այլևս չեն ունենում ջուրը մտնելու վախ և տագնապ:
Ամբողջական հոդվածը կարող եք կարդալ այստեղ
