Life.panorama.am-ը գրում է.
Հաղորդավարուհի Լուսինե Բադալյանը (Լուլու) այն հանրային դեմքերից է, ով ոչ միան անտարբեր չէ իր երկրում ու քաղաքում կատարվող իրադարձությունների նկատմամբ, այլև չի խուսափում բարձրաձայն արտահայտել սեփական կարծիքը: Սոցիալական ակտիվության ջատագովներից մեկը լինելով՝ նա այսօր Facebook սոցցանցում ինչ-որ չափով նպաստում է հանրային կարծիքի ձևավորմանը: Life.panorama.am-ը Լուլուի հետ զրուցել է նրան մտահոգող խնդիրների, համացանցում լայն քննարկման արժանացած որոշ հարցերի, հաղորդավարուհու կին, մայր տեսակի և այլ թեմաների շուրջ:
-Այս ամառ հասցրե՞լ եք հանգստանալ:
-Եղել է, որ երկրից դուրս եմ եկել, բայց ոչ հանգստի մեկնելու նպատակով: Ես չեմ սիրում այն հանգիստը, որը չի համատեղվում աշխատանքի հետ: Ի դեպ, մի քանի օր ազատ էի և այդ ընթացքում ահավոր նյարդային է, ու ոչ ոք չէր հասկանում պատճառը (ծիծաղում է):
-Հետաքրքիր է՝ առաջին անգամ եմ նման բան լսում…
-Ես սիրում եմ օրվա մեջ ինքս ինձ հետ մենակ մնալ, բայց եթե դա տևի օրեր, կարող է ծանր հետևանքներ ունենալ (ծիծաղում է):
-Դուք երկար տարիներ է, ինչ աշխատում եք ռադիոյում, արդեն որոշ առումով ծանոթ եք մեր ազգաբնակչության ճաշակին. ի՞նչ երաժշտություն են հայերը հիմնականում նախընտրում:
-Մեր ժողովրդի ճաշակը շատ տարբեր է և բևեռացված: «Ռադիո Վանն» արդեն ունի ձևավորված լսարան, բայց չեմ կարող այդ տպավորությունը կազմել մեր ռադիոլսողներով միայն: Ամեն դեպքում, հետևելով այսօրվա իրականությանը, կարող եմ ասել, որ ունենք շատ բծախնդիր հանդիսատես և հակառակը...Ես ընտրել եմ այդ բծախնդիր ռադիոլսողի, հեռուստադիտողի հետ աշխատելու ուղին:
-Հայ կատարողներից ու՞մ երգերն եք լսում:
-Մենք ունենք շատ տաղանդավոր երիտասարդներ, ովքեր underground-ում են, իրենց գործունեությունը ծավալում են ակումբներում: Կառանձնացնեմ Սրբուհի Սարգսյանին՝ Սրբուկին, Սուրեն Առուստամյանին, The Beautified Project –ին: Հաճույքով լսել եմ Empyray-ին, Տիգրան Պետրոսյանին, օրերս եթերում հնչեցրեցինք Հայկոյի հին երգերից մեկը, մտածում էի, թե ինչ գեղեցիկ երգեր ունի նաև այդ սերունդը: Վերջերս յուրահատուկ վերաբերմունք է ձևավորվել Անդրեի նկատմամբ, ով ունի շատ էմոցիոնալ ստեղծագործություններ…Փառք Աստծո, մենք մեր ձեռքի տակ ունենք լավ մատերիալ, որ կարելի է «պտտեցնել»:
Ամբողջական հոդվածը կարող եք կարդալ այստեղ
