1in.am-ը գրում է.
Ֆրանսիական ՊՍԺ-ի պաշտոնական կայքի փոխանցմամբ՝ Կոտ դ՛ Իվուարի հավաքականի 21-ամյա պաշտպան Սերժ Օրյեն բուժզննում է անցել ակումբում, որից հետո ստերագրել է 1 տարվա վարձակալական պայմանագիր:
Սպասվում էր, որ ՊՍԺ-ն կգնի նրա տրանսֆերը, սակայն ֆինանսական ֆեյր-փլեյի կանոնները հնարավորություն չեն տալիս դա անել: Այնուամենայնիվ, պայմանագրում կա կետ, ըստ որի՝ մրցաշրջանի ավարտից հետո ՊՍԺ-ն ունի Օրյեի տրանսֆերի գնման նախապատվության իրավունք:
«Օրյեն մոլորակի ամենատաղանդավոր ֆուտբոլիստներից է: Նրա ծառայություններով խոշորագույն ակումբներ էին հետաքրքրվում: Ուրախ ենք նրան տեսնել մեր թիմում»,- հայտարարել է ՊՍԺ-ի նախագահ Նասեր Ալ-Հելաիֆին:
Ֆրանսիայի բարձրագույն խմբի առաջնության նախորդ մրցաշրջանում եզրային պաշտպանը «Թուլուզ»-ի կազմում մասնակցել է 34 հանդիպման՝ դառնալով 6 գոլի ու 5 գոլային փոխանցման հեղինակ: