Վարչապետը հանձնարարեց քննարկել «Նաիրիտ»-ի բաժնեմասերի մի մասը Որոտանի ՀԷԿ-ին հանձնելու նախագիծը

Panorama.am-ը գրում է.

ՀՀ կառավարության այսօրվա նիստում էներգետիկայի և բնական պաշարների փոխնախարար Լևոն Շահվերդյանը ներկայացրեց «Հայգազարդ» ՓԲԸ-ի սեփականությունը հանդիսացող «Նաիրիտ գործարանի» և «Նաիրիտ-2» ՓԲԸ-ի բաժնետոմսերի մի մասի պարտքի դիմաց «Որոտանի» ՀԷԿ-ին հանձնելու վերաբերյալ օրենքի նախագիծը:

Վարչապետ Հովիկ Աբրահամյանը հանձնարարեց երկու-երեք օր քննարկել այն, որից հետո միայն որոշում կայացնել:

Նշենք, որ որոշման համաձայն` «Հայգազարդ» ՓԲԸ-ի սեփականությունը հանդիսացող՝ 7320,8 մլն դրամ հաշվեկշռային արժեք ունեցող «Նաիրիտ-2» ՓԲԸ-ի 53,27 տոկոս և 983,4 մլն դրամ հաշվեկշռային արժեք ունեցող «Նաիրիտ Գործարան»-ի 3,5967 տոկոս՝ 8304,2 մլն դրամ ընդհանուր հաշվեկշռային արժեքով բաժնետոմսերը կօտարվի «Որոտանի հիդրոէլեկտրակայանների համալիր» ՓԲԸ-ին:

Կառավարության հիմնավորման համաձայն` «Որոտանը» դրա դիմաց հանդիպական պահանջի հաշվանցով մարված է համարում «Հայգազարդ» ընկերության առկա պարտավորությունները՝ ձեռք բերվող ակտիվների պայմանագրային գնի գումարի չափով:

Ամբողջական հոդվածը կարող եք կարդալ այստեղ