Allsport.am-ը գրում է.
Չեմպիոնների լիգայի կիսաեզրափակիչ փուլի սպասված` «Ռեալ Մադրիդ»-«Բավարիա Մյունխեն» առաջին հանդիպումն ավարտվեց Կարլո Անչելոտիի սաների հաղթանակով:
«Սանտյագո Բեռնաբեու» մարզադաշտում կայացած հանդիպման առաջին իսկ րոպեներից թիմերի ընտրած մարտավարությունը հստակ ընդգծվեց. Խոսեպ Գվարդիոլայի սաներն անընդհատ տիրում էին գնդակին, դիմում պրեսինգի, իսկ մադրիդցիները կազմակերպում էին սուր հակագրոհներ: Խաղի հաշիվը բացվեց 19-րդ րոպեին. Ֆաբիու Կոենտրաուի կատարած փոխանցումից հետո Կարիմ Բենզեմային մնում էր միայն գնդակն ուղարկել Մանուել Նոյերի պաշտպանած դարպասը, ինչն էլ ֆրանսիացի հարձակվողն անվրեպ կատարեց:
Նախքան ընդմիջման գնալը կրկին կարող էր արձանագրվել դարպասի գրավում, սակայն «Բավարիայի» գրոհների վերջնամասին պակասում էր սրությունը, իսկ «Ռեալի» կազմում Կրիշտիանու Ռոնալդուն, Անխել դի Մարիան չէին կարողանում դիպուկ հարվածներ կատարել:
Երկրորդ խաղակեսում հաշվի մեջ նոր փոփոխություններ չեղան, և «Ռեալը» կմեկնի Մյունխեն նվազագույն առավելությամբ:
«Ռեալ»-«Բավարիա»` 1:0
Գոլը` Բենզեմա 19
Հիշեցնենք նաև, որ կիսաեզրափակիչ փուլի մյուս` «Ատլետիկո»-«Չելսի» առաջի խաղում գրանցվել է 0:0 հաշիվը, եզրափակչի ուղեգիրն այս թիմերը կվճռեն «Սթեմֆորդ Բրիջ» մարզադաշտում: