1in.am-ը գրում է.
Football Direct News-ի փոխանցմամբ՝ «Լիվերպուլ»-ը կրկին հետաքրքրվում է Հայաստանի հավաքականի կիսապաշտպան Հենրիխ Մխիթարյանի ծառայություններով: Ակումբը Մխիթարյանի տրանսֆերը ձեռք բերելու փորձ կկատարի առաջիկա ամառային տրանսֆերային պատուհանի ժամանակ:
25-ամյա ֆուտբոլիստը կարող էր հայտնվել «Լիվերպուլ»-ում, բայց նրա տեղափոխության համար ի վերջո հաղթող ճանաչվեց «Բորուսիա»-ն՝ «Շախտյոր»-ին վճարելով 27.5 մլն եվրո:
Պարբերականը նշում է, որ Յուրգեն Կլոպն ընթացիկ մրցաշրջանից հետո կարող է փոխել ակումբային գրանցումը: Նրա ծառայություններով հետաքրքրվում են «Բարսելոնա»-ն ու «Արսենալ»-ը:
Դա կարող է Մխիթարյանի՝ «Լիվերպուլ» հավանական տեղափոխության պատճառներից մեկը դառնալ: Կլոպն առանցքային դեր է ունեցել Հենրիխի տրանսֆերի հարցում:
Մխիթարյանն ընթացիկ մրցաշրջանում 9 գոլ է խփել ու 9 գոլային փոխանցում կատարել: «Լիվերպուլ»-ի գլխավոր մարզիչ Բրենդան Ռոջերսը նրա տաղանդի երկրպագուն է:
