Եթե ​​մեկ նկարով փոխանցվեր 70 -ական թվերի Անգլիայում սեռական անկեղծության ոգին, ապա դա անկասկած կլիներ Մարտին Էլիոթի «Թենիսիստուհին» լուսանկարը:
Լուսանկարը արվել է 1976 թ. սեպտեմբերի սկզբին: Պատկերված է Էլիոթի ընկերուհին ` Ֆիոնա Բաթլերը , որը այդ ժամանակ տասնութ տարեկան էր: Լուսանկարը պատահական չի արվել , Մարտինը խնդրել է իր ընկերուհուն, ով նախկինում թենիս չէր խաղացել, լուսանկարվել կորտում: Լուսանկարման ընթացքում  մոդելը բարձրացրել է իր շրջազգեստը, որպեսզի երեւա, որ նա ներքնազգեստով չէ: Նկարը, որ բավականին սովորական է այսօրվա չափանիշներով , զգացմունքների փոթորիկ է առաջացրել , երբ Athena արտ-ռիթեյլերը , թողարկել է այն որպես օրացույցի մաս ` նվիրված Եղիսաբեթ II թագուհու արծաթե հոբելյանին: Արդյունքում, օրացույցի ավելի քան երկու միլիոն օրինակ է վաճառվել:


Լուսանկարը 
հարստություն է բերում Մարտին Էլիոթին: Ֆիոնա Բաթլերը , ոչ մի գումար չի վերցրել օրացույցի վաճառքից ստացված հասույթից , եւ ի վերջո ամուսնացել է միլիոնատիրոջ հետ: Նա հայտարարել է, որ չի զղջում լուսանկարվելու եւ դրա դիմաց գումար չվերցնելու համար:
Լուսանկարի սյուժեն մտել է պատմության մեջ եւ բազմիցս օգտագործվել եւ խաղարկվել է տարբեր հեղինակների կողմից:

Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print Տպել