Նորաձև լինելու համար պետք չի վերջին փողերը ծախսել դիզայներական իրեր գնելու վրա: Կարելի է պարզապես ընտրել սեզոնի ոճային գույները և դրանցով կազմել սեզոնային զգեստապահարանը:
Սև ու սպիտակ. ժանրի դասականը
Սևն ու սպիտակը միշտ նորաձև են: Այս անպարտելի համադրությունն արդեն երկար ժամանակ է նորաձևության միտումների մեջ է: Օգտագործելով այս դասական դուետը, կարող ես կազմավորել և աշխատավայրի, և առօրյայի զգեստապահանարնը:
Կարմիրի բոլոր երանգները
Սա աշնանային սեզոնի իսկական հիթ է: Եթե կարմիրը քեզ չափազանց վառ ու ճչացող է թվում, կարող ես ընտրել նռագույնը, կորալագույնը կամ գինեգույնը: Իսկ եթե կարմիրն ու իր երանգներն ընդհանրապես չեն մտնում քո սիրելի գույների շարքի մեջ, ապամտածիր գոնե կարմիր աքսեսուարների մասին, որոնք կօգնեն ոճային կերպար ստեղծել: Կարմիր պայուսակները, շարֆերը, կոշիկները թույլ չեն տա, որ կարմրես քո կերպարի համար:
Մանուշակագույնը կրկին նորաձև է
Այս հագեցած գույնն արդեն որերորդ սեզոնն է նորաձևությունից դուրս չի գալիս: Այն հիանալի կերպով համադրվում է մուգ թավշի կամ կաշվի հետ, թեև դիզայներներն այս սեզոնին խորհուրդ են տալիս ավելի համարձակ համադրություններ անել. մանուշակագույնը կապույտի, կանաչի և անանուխագույնի հետ:
Կապույտ մշուշ
Կապույտը գեղեցիկ, բայց կամակոր գույն է: Այն կերպարին խստություն և էլեգանտություն կհաղորդի, բայց կընդգծի աչքերի տակ փոսերն ու դեմքի ոչ իդեալական գույնը: Եթե 100%-ով վստահ ես, որ քեզ սազում է վառ կապույտը, ապա այս աշնանը քեզ իսկական թագուհի կզգաս:
Փղոսկրի գույն
Դիզայներներն այն անվանում են «այվորի»: Այս ջերմ ու փափուկ գույնը հատկապես արդիական է մռայլ եղանակին: Այվորին թարմացնում է և ջերմ մթնոլորտ է ստեղծում, բացի այդ` հիանալի համադրվում է ցանկացած երանգի հետ:
