Apple ընկերության սիրահարներին այս ամիսների ընթացքում միայն մեկ հարց է անհանգստացնում, գնել iPhone 5s, թե սպասել iPhone 6-ին: Այսօր Ձեզ կներկայացնենք չորս պատճառ , որ այնուամենայնիվ ավելի խելամիտ կլինի սպասել iPhone 6-ին: Միևնույն ժամանակ կներկայացնենք չորս պատճառ , որ պետք է գնել iPhone 5S և վայելել:
ՍՊԱՍԵԼ ԹԵ ՉԷ ՍՊԱՍԵԼ, ՍԱ Է ԽՆԴԻՐԸ:
1. Մատնահետքի սկաներ.
Բոլորս էլ գիտենք , որ նոր iPhone-ի առանձնահատկություններից մեկը դա մատնահետքի սկաներն է: Այն ստեղծվել է բարձրացնելու անվտանգության մակարդակը Ձեր սմարթֆոնում, կամ գոնե կարելի դիտարկել այն որպես 4 նիշանոց գաղտնաբառի ավելի ժամանակակից փոխարինող: Սակայն ֆունկցիան նոր է և ունի թերություններ: Ուստի կարելի է սպասել նոր iPhone 6-ին , որտեղ անկասկած կլինի ավելի կատարելագործված սկաներ:
ԱԼՏԵՐՆԱՏԻՎ ՏԵՍԱԿԵՏ. Մեզանից շատերը ընկերությունների ղեկավարներ չեն, հայտնի մարդիկ չեն , որոնց ՆԳ-ն հետևում : Օգտատերերի մեծ մասը հասարակ մարդիկ են, ում պետք չէ նման մակարդակի պաշտպանվածություն: Ուստի կարելի է միանգամից գնել iPhone 5S և չսպասել ավելի լավ սկաների:
2. Տեխնիկական բնութագրիչների լավացում.
Շատ օգտատերեր դժգոհ էին Apple-ի տեխնիկական թարմացումից: Երկմիջուկանի A7 պրոցեսոր, M7 co-պրոցեսոր և մեկ գիգաբայթ RAM: Այնքան էլ տպավորիչ թարմացում չէր: Բացառություն էր կազմում այն որ պրոցեսորը կունենա 64 բիտ 32-ի փոխարեն: Կարելի է սպասել քառամիջուկ 64 բիտ պրոցեսորով և 2 գիգաբայթ RAM-ով օժտված iPhone 6-ին:
ԱԼՏԵՐՆԱՏԻՎ ՏԵՍԱԿԵՏ. Կարելի է սպասել iPhone 6S-ին , ոչ կներե՛ք, iPhone 7-ին , որտեղ կլինի պիցցայի անվճար առաքում դեպի լուսին: Սա իհարկե կատակ էր: Կարելի է սպասել iPhone 6-ին, սակայն չեք գտնում արդյոք, որ այդ քառամիջուկ 2 գիգաբայթ RAM ունեցող սմարթֆոնը նույն կերպ է աշխատելու , ինչպես iPhone 5S-ը այսօր: Գնել iPhone 5S և վայելել:
3. Մեծ էկրան.
Երբ շշուկներ էին հայտնվել այն մասին, որ Apple-ը պատրաստվում է միաժամանակ երկու սմարթֆոն արտադրել, ֆանատներից շատերը կարծում էին,որ ընկերությունը կթողարկի մեկ սովորական iPhone և մեկ մեծ էկրանով iPhone: Սակայն ընկերությունը արտադրեց iPhone 5S և 5C : Եվ ոչ մի մեծ էկրան:Կարելի է սպասել iPhone 6-ին: Գուցե Apple-ը այդ ժամանակ արտադրի մեծ էկրանով սմարթֆոն:
ԱԼՏԵՐՆԱՏԻՎ ՏԵՍԱԿԵՏ. Ինչի՞ համար արտադրել մեծ էկրանով հեռախոս: Ընկերությունը դրանով երկու դժվարություն է ստեղծում: Առաջինը հենց ինքն իր համար: Նոր դիզայն: Արդյոք այն դուր կգա սպառողին: Ներկայիս արտադրանքները բավարարում են և՛ սպառողին, և՛ արտադրողին, ուստի ինչու ստեղծել մի բան որի անհրաժեշտությունը չկա: Երկրորդ՝ ընկերությունը այդ քայլով տհաճ անակնկալ կմատուցի ծրագրավորողներին , քանի որ նրանք ստիպված կլինեն թարմացնել իրենց իրենց ծրագրերը: Ոմանք կթարմացնեն, ոմանք ոչ: Իսկ չթարմացնելու դեպքում կառաջանան դժգոհություններ սպառողի մոտ: Գնել iPhone 5S և վայելել առանց դժգոհելու:
4. Տեսախցիկ.
Iphone 5S-ում մեգապիքսելների քանակը նույնն է ինչ-որ iPhone 5-ում, և դա այն դեպքում երբ այլ արտադրողներ իրենց նոր սմարթֆոններում առաջարկում են 13 մեգապիքսել թողունակությամն տեսախցիկներ: Շշուկներ կան, որ նոր iPad-ում կլինի 8 մեգապիքսել թողունակությամբ տեսախցիկ, ինչը թույլ է տալիս ենթադրել , որ iPhone 6-ում կլինի ոչ պակաս քան տասներեք մեգապիքսել: Կարելի է սպասել iPhone 6-ին:
ԱԼՏԵՐՆԱՏԻՎ ՏԵՍԱԿԵՏ. Եթե Դուք դեռ հավատում եք, որ մեգապիքսելները մեծ դեր ունեն, ապա սխալվում եք: Վառ աօացույցը HTC One սմարթֆոնն է: Այն ունի ընդամնեը 4 մեգապիքսել, բայց հիանալի է նկարում: Բացի այդ, սխալ է ասել iPhone 5S և iPhone 5-ը նույն տեսախցիկը ունեն, քանի որ տեսախցիկները համեմատելիս պետք է չմոռանալ օպտիկական լինզաների, սենսորի մասին:Ուստի կարելի է չսպասել մի քանի մեգապիքսելի և գնել iPhone 5S:
