Շուկայական համատարած մտայնութեան արշաւին մէջ, ամէն ինչ կը թուի թէ իր ՆԻՒԹԱԿԱՆ արժէքն ունի, ամէն ինչ ԱՊՐԱՆՔ է, ամէն ինչ ԾԱԽՈՒ է....Այս մտայնութիւնը որքա՛ն ԱՒԵՐ կը գործէ ի մասնաւորի՝ դար ու դարերով, ՀՈԳԵՒՈՐ արժէքներով ապրող ու սնանող մեր ժողովուրդին: Ինչպէ՞ս կարելի է, օրինակ, ՀԱՅ ԴՊՐՈՑԸ արժեւորել իր ձեռքբերած ՆԻՒԹԱԿԱՆ ՇԱՀՈՎ, ինչպէ՞ս կարելի է դրամական գին սահմանել ՀԱՅԵՑԻ ԿՐԹՈՒԹԵԱՆ, ՀԱՅ ՄՇԱԿՈՅԹԻ արժէքները նիւթականացնել, մեր ձեռագիր մատեանները շուկայի ապրանքի վերածել, եւ այսպէս շարունակ: Ժողովուրդ մը կրնա՞յ ապրիլ առանց իր ՍՐԲՈՒԹԻՒՆՆԵՐՈՒՆ, որոնք ԱՆՍԱԿԱՐԿԵԼԻ ԱՐԺԷՔՆԵՐ են, իր ԻՆՔՆՈՒԹԻՒՆՆ ՈՒ ԷՈՒԹԻՒՆՆ են....Շուկայացնելով եւ փոշիացնելով իր հոգեւոր արժէքներն ու սրբութիւնները, ազգ մը հաստատապէս կորստեան կը դատապարտէ ինքզինք....
Նյութի աղբյուր՝ https://www.facebook.com/yeran.kouyoumdjian/posts/509947912429659?notif_t=close_friend_activity
Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print
Տպել
