Վաղուց անցել են ժամանակները, երբ մարզադաշտ գնացող աղջիկներին վատ աչքով էին նայում: Ֆուտբոլային «տենդը» գնալով վարակում է իգական սեռի ավելի ու ավելի շատ ներկայացուցիչների: Հայաստանի պարագայում ոգևորվածությունը բազմապատկվում է մեր ազգային հավաքականի՝ վերջերս տարած փայլուն հաղթանակների շնորհիվ:
Սակայն աղջիկների՝ մարզադաշտ գնալը այդքան էլ միանշանակ չի ընդունվում հանրության կողմից՝ հաճախ հենց աղջիկների մեղքով: Նրանցից շատերը չգիտեն, թե ինչպես պահել իրենց ֆուտբոլային հանդիպման ժամանակ, առավել ևս՝ ինչ հագնել, որպեսզի և’ չլինել ծիծաղելի, և’ հարմարավետ զգալ ու լինել նորաձև:
Եթե առաջին անգամ ես պատրաստվում ֆուտբոլ դիտել հենց մարզադաշտից և չես կողմնորոշվում՝ ինչ հագնել, ապա այս գրառումը քեզ համար է: FashionYan-ը, Հայաստան-Դանիա խաղին ընդառաջ, ներկայացնում է հագուստի ներդաշնակ համադրությունների մի քանի տարբերակներ՝ մարզադաշտում փայլելու համար:
