Hayeli.am-ը գրում է.

Կենտրոն եւ Նորք-Մարաշ վարչական շրջանների ընդհանուր իրավասության դատարանում շարունակվող ԱԻՄ նախագահ Պարույր Հայրիկյանի դեմ մահափորձի դատաքննությանը՝ դատարանը որպես վկա հարցաքննելու է ոստիկանության երկու ձգաբանների եւ դատաբժշկին:

Նման միջնորդություն նախորդ նիստին ներկայացրել էր ամբաստանյալ Վարդան Սեդրակյանի պաշտպան Ալեքսանդր Սիրունյանը:

Դատաբժշկի ցուցմունքի ժամանակ, երբ Սիրունյանը հարցեր էր ուղղում, տուժող Պարույր Հայրիկյանը խոսք խնդրեց: Երբ նա ցույց տալով Սիրունյանին՝ ակնարկեց “այս փաստաբանը”, վերջինս հունից դուրս եկավ:

“Այս փաստաբանը ինչ, 42 մլն դրամի հայց եք ներկայացրել, պիտի հարցեր տամ, չէ, որ պարզեմ”,-ասաց Սիրունյանը:

“Այո, կարող եմ ավելի շատ ներկայացնել, գտեք պատվիրատուին, ես նրա դեմ եմ ներկայացրել”,-ասաց Հայրիկյանը:

“Այդպես գրեիք հայցադիմումում, որ հասկանայինք”,-նետեց փաստաբանը:

Հենց այդ պահին վեճին միջամտեցին դատարանում գտնվող Հայրիկյանի կողմնակիցները, կրքերը թեժացան:

Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print Տպել