«Երեկ ՀՀ Միգրացիոն պետական ծառայության պետ Գագիկ Եգանյանը մեր թղթակցի հարցին ի պատասխան հայտնել, է որ այսուհետ Հայաստանի սահմանահատումների մասին վիճակագրությունը կհրապարակվի միայն եռամսյակային կտրվածքով։
Այսինքն, Հայաստանից մեկնողների և Հայաստան ժամանողների թվերը այլևս չեն հրապարակվի ամիսը մեկ։ Այս որոշումը, պետք է նկատել, այնքան էլ անակնկալ չէ։ Խնդիրն այն է, որ վերը նշված վիճակագրությունը թույլ է տալիս պատկերացումներ կազմել արտագաղթի ծավալների և միտումների մասին։
Ու քանի որ արտագաղթը գնալով ավելի մեծ թափ է հավաքում, ուստի որոշվել է հնարավորինս «փակել» այդ տեղեկատվությունը և փոքրացնել արտագաղթի ծավալների մասին հրապարակումների հաճախականությունը։ Որևէ այլ պատճառ նախկինում ամսական կտրվածքով հրապարակվող տեղեկատվությունը եռամսյա դարձնելու համար, իհարկե, չկա։ Ասվածից դժվար չէ պատկերացնել, թե ինչ ծավալների է հասել արտագաղթը»,–գրում է թերթը։