ՀՀԿ երիտ. թևի ղեկավար

Ադրբեջանի նախագահ Իլհամ Ալիևի այսօրվա հայտարարությունը («Ուժեղ Ադրբեջանը թույլ Հայաստանի հետ կարող է խոսել ցանկացած լեզվով») առավել քան տարակուսանք է առաջացնում։ Ուժի և թուլության ալիևյան ընկալումներն ակնհայտորեն շեղված են։ 
Ադրբեջանի ղեկավարն իր երկրում նախագահական ընտրությունների շեմին նման դոնկիխոտյան հայտարարություններով փորձում է շեղել ադրբեջանական հանրության ուշադրությունը։ Ռազմական ցուցադրական շքերթներով, սին ու սպառնալից հայտարարություններով երբեք ուժեղ չեն դառնում։ Պատմությունն ինքն է Հայաստանին ու Ադրբեջանին դասակարգել ուժի ու թուլության սանդղակներում։ 
Բոլորս գիտենք, թե ինչ խնդիրներ ունի Ադրբեջանը, բոլորս տեղյակ ենք այդ երկրի ժողովրդավարության, բանակի և ընդհանրապես Ալիևի ընտանիքի ու ալիևյան կլանի պրոբլեմներին։ Նման խնդիրներ ունեցող երկրի նախագահի սպառնալից բառապաշարն ուղղակի ծիծաղելի է ու արժանի կարեկցանքի։

Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print Տպել