ԱԺ լրատվության ու հանրության հետ կապերի վարչության փոխանցմամբ, անդրադառնալով ՀՀ-ԵՄ Համապարփակ և ընդլայնված գործընկերության համաձայնագրին՝ Արմեն Աշոտյանը կարևորել է փաստաթղթի վավերացման գործընթացի ավարտը մինչև 2019 թվականի Եվրոպական խորհդարանի ընտրությունները:
Այս համատեքստում հանձնաժողովի նախագահն ընդգծել է Եվրոպական խորհրդարանի կողմից ազգային խորհրդարաններին հղված ծանրակշիռ և թիրախային ուղերձի կարևորությունը՝ համաձայնագրի վավերացման հետ կապված անհարկի ուշացումներից խոսափելու համար:
Հանդիպման ընթացքում կողմերն անդրադարձել են նաև ԵՄ-ի և Հայաստանի միջև Համապարփակ և ընդլայնված գործընկերության համաձայնագրի այն դրույթին, որը նոր խթան է Եվրոպական խորհրդարանի և ՀՀ Ազգային ժողովի միջև խորհրդարանական համագործակցության ամրապնդման համար:
Երկուստեք ընդգծվել է նոր մակարդակի խորհրդարանական համագործակցության ձևաչափ ունենալու կարևորությունը, որն ուղղված կլինի ԵՄ-ի և Հայաստանի միջև համագործակցության խորհրդարանական բաղադրիչի ընդլայնմանը: Խոսվել է նաև տարածաշրջանային զարգացումների մասին:
«Ժողովրդավարությունը Հարավային Կովկասում կայունության և խաղաղության կարևոր գործոն է»,-նշել է Արմեն Աշոտյանը:
Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print
Տպել