Վիկտորյա Բեքհեմն ասել է՝ ինչու լուսանկարվելիս չի ժպտում

Արևմտյան ԶԼՄ-ները Վիկտորյա Բեքհեմին «սառցե թագուհի» են անվանում։ Նման մականուն նա ստացել է, որովհետև 2007-ից ի վեր ոչ ոք նրան չի տեսել հրապարակայնորեն ժպտալիս։

Երբ Վիկտորյա Բեքհեմը ելույթ էր ունենում բեմում, նա ավելի հաճախ էր ժպտում։ Սակայն լրագրողները նկատել են, որ 2001-ից ի վեր նա սկսել է ավելի ու ավելի հազվադեպ ժպտալ, իսկ 2007-ին շրջագայության համար Spice Grils-ի միավորվելուց հետո Վիկտորյայի ժպիտն անհետացավ։

Վիկտորյան ասել է, որ նախընտրում է ժպտալ ընտանեկան լուսանկարներում, երբ հանգիստ կարող է իր հույզերն արտահայտել։ Նրա համար տարօրինակ է միշտ ժպտալ տեսախցիկների առջև։ Այդպիսով նա պատասխանատվություն է զգում նորաձևության աշխարհի համար, որը Վիկտորյան իր ապրանքանիշով է ներկայացնում։