Tert.am-ը գրում է.
«Հայացք» վերլուծական կենտրոնի փորձագետ, քաղաքագետ Նարեկ Մինասյանի խոսքով՝ ադրբեջանական կողմի կողմից արված այս փուլի հայտարարություններում ներկայացվում է մի գիծ, ըստ որի՝ հայկական կողմը ոչ կառուցողական քաղաքականություն է վարում ղարաբաղյան հիմնախնդրի բանակցային գործընթացում:
Tert.am-ի հետ զրույցում նա նկատեց՝ Ադրբեջանը փորձում է միջազգային հանրությանը ներկայացնել, թե Հայաստանը տապալում է գործընթացը:
«Ասում են, որ Հայաստանը փորձում է առաջ քաշել այնպիսի առաջարկներ, որոնք հակասության մեջ են բանակցային ձևաչափի հետ»,- հիշատակեց նա:
Հիշեցնենք, որ Ադրբեջանի արտգործնախարար Էլմար Մամեդյարովը «ծիծաղելի» է համարել հայկական կողմի պահանջը՝ Ղարաբաղյան հակամարտության կարգավորման բանակցային գործընթացում ներգրավել նաև Լեռնային Ղարաբաղին: Նա նշել էր, որ այդ առաջարկը խոսում է այն մասին, որ Հայաստանի ղեկավարությունը ցանկանում է տապալել խաղաղ գործընթացը»: