Մեր երկիրը չունի բարեկամներ. սա պետք է հստակ գիտակցեն բոլորը։ Ցանկացած պետություն իր արտաքին քաղաքականությունն իրականացնում է ըստ իր շահերի։ Մեր բոլոր հարևանները շահագրգռված չեն երկրի տնտեսական և ռազմական հզորությամբ։ Անընդունելի է հրապարակավ հայտարարել, թե ինչ զինատեսակ է պատրաստվում գնել մեր երկիրը՝ զուտ ժողովրդին դուր գալու համար, քանզի դա պետական գաղտնիք է։ Միայն այս փաստը բավական է ենթադրելու, որ մեր նոր ղեկավարները դեռ չեն գիտակցում, որ ստանձնել են մի ամբողջ երկրի ղեկավարություն, և ինչ է նշանակում պետության անվտանգություն։ Թեև մի քանի օր առաջ, երբ հանրությանը ցուցադրվում էր կառավարական ամառանոցները, արդեն տեսանելի էր, որ պետության և պետական գործիչների անվտանգությունը շփոթել են համերգային շոուների հետ։ Ավելի լուրջ մոտեցեք պետության ղեկավարությանը, սա ո՛չ միտինգ է, ո՛չ էլ ոգևորված զանգվածներ, սա արդեն լուրջ է, քան դուք երևի կարծում էիք․․․
Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
