Տարիներ շարունակ ամերիկացի Մեթյու և Մարիա Քոլոնա-Էմանուելները կարծել են, որ իրենց տան բակի ետևում գետնից փոքր-ինչ դուրս ցցված երկաթե կտորը հոսանքալարերի համար նախատեսված արկղ է։ Բայց պարզվեց՝ այդպես չէ։

Վեջերս նրանց այգի եղնիկ էր ներխուժել և ավերել ծառերն ու թփերը, որից հետո միայն զույգը նկատել էր, որ երկաթե արկղը կարծես ավելի է դուրս եկել հողից։ Հենց այդ ժամանակ էլ նրանք որոշեցին փորել հողն ու պարզել, թե այդ ինչ արկղ է։

Image result for Couple finds buried safe full of cash, gold and diamonds in backyard

Հայտնաբերվածն իրականում սեյֆ էր, որը բացելուց հետո Մեթյուն և Մարիան ապշեցին․ դրանում 52․000 ԱՄՆ դոլար կար, բազմաթիվ ոսկյա և ադամանդե զարդեր։

Արկղի մեջ նաև գրություն կար՝ հարևաններից մեկի հասցեն։ Զույգը շտապեց հասցեով՝ ճշտելու նրան կապն այդ գումարի և զարդերի հետ։ «Շտապեցինք մեր հարևանի տուն և հարցրինք՝ արդյոք գողություն կատարվել է նրանց տանը։ Նրանք ասացին, որ, այո, կատարվել է»։ Կարճ ժամանակ անց ոստիկանությունը պարզեց ողջ եղելությունը։ 2011 թվականի դեկտեմբերի 26-ին Մեթյուի և Մարիայի հարևանների տանը գողություն էր կատարվել, որի ժամանակ գողացվել էր 52,000 ԱՄՆ դոլար և բազմաթիվ թանկարժեք զարդեր։

Բոլորին հետաքրքրում էր մի հարց՝ ինչո՞ւ նրանք այդքան աղմուկ բարձրացրին գտածոն իրենց պահելու փոխարեն։ «Պատասխանը շատ պարզ է․ այն մեզ չէր պատկանում»,- ասել է Մարիան։

Գտած գումարն ու զարդերն արդեն փոխանցվել են իրական տերերին, ովքեր չէի կարողանում հավատալ, որ 7 տարի անց հայտնաբերվել է նրանց գողացված ունեցվածքը։

Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print Տպել