Օրեցօր եղանակը տաքանում է, ուստի ժամանակն է երբեմն ոտաբոբիկ քայլելու։ Ինչո՞ւ․ որովհետև այդ հասարակ գործողությունն իրականում բազմաթիվ օգտակար հատկություններ ունի։ Բժիշկներն ասում են, որ երբ մերկ ոտքը դիպչում է հողին, մարդու մարմնից դուրս են գալիս բացասական էլեկտրոնները՝ ստեղծելով ներքին ներդաշնակություն։
Ահա ևս մի քանի օգտակար հատկություն, որոնք կստիպեն ձեզ ժամանակ առ ժամանակ ոտաբոբիկ քայլել հողի վրայով։
Բոբիկ քայլելը թեթևացնում է ցավը և օգնում ազատվել մարմնի տարբեր մասերի այտուցվածությունից։
Այն նաև դրական է ազդում ձեր քնի վրա։ Անքնությամբ տառապողների համար կան անգամ ոտաբոբիկ քայլելու թերապիաներ։
Ձեր իմունային համակարգը ևս կուժեղանա։
Բժիշկների պնդմամբ ոտաբոբիկ քայլողների մոտ սրտի կաթված ստանալու շանսերը շատ ավելի քիչ են։
Եվ որ ամենակարևորն է, վերջապես կվերականգնեք կապը ձեր և բնության մեջ․ չէ՞ որ մարդկության զարգացման հետ մեկտեղ մարդիկ սկսել են հեռանալ մայր բնությունից, ինչն այնքան էլ լավ չէ։
