Անգլիայի առողջապահության ազգային ծառայությունը խորհուրդ է տալիս օրական վեցից ութ բաժակ հեղուկ խմել,– հաղորդում է The Sun-ը։ Կոպիտ հաշվարկներով՝ դա 500 մլ ծավալով երեք-չորս շիշ ջուր է։ Փորձագետները համոզված են, որ այս կանոնը չպահպանելու դեպքում բացասական հետևանքները շատ արագ կանդրադառնան օրգանիզմի վրա։

Նշվում է, որ բարձրահասակ և խոշոր կազմվածքով մարդկանց խորհուրդ է տրվում ավելի շատ հեղուկ օգտագործել։ Ալկոհոլ օգտագործելու դեպքում խորհուրդ է տրվում ընթացքում ալկոհոլը հերթափոխել ջրով։

Ընդ որում՝ պարտադիր չէ միայն ջուր խմել՝ վստահեցնում են մասնագետները։ Կարելի է նաև անյուղ կաթ և առանց շաքարի ըմպելիքներ, թեյ և սուրճ խմել։ Հյութ, ամեն դեպքում, խորհուրդ է տրվում խմել 150 մլ-ից ոչ ավել։

Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print Տպել