Ֆրանսիական Louis Vuitton նորաձևության տունը ներկայացրել է տղամարդկանց համար նախատեսված առաջին հավաքածուն՝ Les Parfums Louis Vuitton-ը։ Այս մասին ասվում է ընկերության մամլո հաղորդագրությունում։
Հավաքածուում հինգ բուրմունք է ներառվել՝ L’Immensite՛ («Հմայք»), որի հիմքում կոճապղեղպի և կարմիր նարնջի համադրությունն է, Nouveau monde («Նոր աշխարհ»)՝ կակաոյի և համեմունքների տարրերով, Orage («Փոթորիկ»)՝ իրիսի տարրերով, Sur la route («Ճանապարհին»)՝ կիտրոնի և բերգամոտի բաղադրությամբ և Au hazard («Բախտի բերմամբ»)՝ սանդալի տարրերով։
Բուրմունքների հեղինակն է Louis Vuitton-ի օծանելիքի վարպետ Ժակ Կավալյե-Բելթրյուն։ Օծանելիքները լակոնիկ ոճով պատրաստված թափանցիկ սրվակներով են։
Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print
Տպել