Քեսինգթոնյան պալատն արտասովոր կերպով լռում է արքայական ընտանիքում նորածին երեխայի անվան հետ կապված, որը լույս աշխարհ է եկել ապրիլի 23-ին։ Ավագ երեխաների ծնունդից հետո Քեմբրիջի դուքսը և դքսուհին ծննդաբերությունից երեք օր անց հայտարարել են փոքրիկների անունները։ Այժմ արդեն հինգերորդ օրն է, սակայն հասարակությունը դեռ անտեղյակ է, գրում է Daily Star պարբերականը։

Սակայն բրիտանացի լրագրողները հետաքննություն են անցկացրել և հանգել են եզրակացության, որ երեխայի անունը «պատահաբար բացահայտել է» Բուքինգհեմյան պալատը և հենց արքայական ընտանիքի պաշտոնական կայքում։ Որոնման տողում հավաքելով www.royal.uk/prince-albert՝ ստացվում է հետևյալ պատասխանը․ «Հասանելիությունն արգելված է»։ Իսկ այլ անուններ մուտքագրելու դեպքում նշվում է․ «Էջը գտնված չէ»։ Մամուլը եզրակացնում է, որ նորածին արքայազնին Ալբերտ են անվանակոչել։

Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print Տպել