ԱՄՆ կենտրոնական հետախուզական վարչությունը հրաժարվելու է ավանդական լրտեսներից, որոնք գործում են այլ երկրներում։ Նրանց փոխարինելու է գալու արհեստական բանականությունը,- հաղորդում է CNN-ը։
Նեյրոցանցերի նկատմամբ հետաքրքրվածության մասին պատմել է ԿՀՎ փոխտնօրեն Դոն Մեյերիքսը։ Մեյերիքսը նշել է, որ վերջին ժամանակներում լրտեսներն ավելի հաճախ են խնդիրների բախվում նոր տեխնոլոգիաների զարգացման պատճառով։ Նա հայտարարել է, որ Ջեյմս Բոնդին դժվար է աշխատելը թվային հետապնդման և սոցիալական մեդիայի պայմաններում։
Մոտ ապագայում կազմակերպությունը արհեստական բանականություն կամ ռոբոտ է ուղարկելու օպերատիվ աշխատանքի, որին շատ ավելի դժվար է լինելու հայտնաբերելը, քան կենդանի աշխատակցին։ ԿՀՎ-ն նաև գաղտնազերծել է փաստաթղթերը, որոնք հավաստում են, որ գործակալությունը հետազոտել է արհեստական բանականությունը դեռևս 1984 թվականից։ Այսպես՝ փաստաթղթերի համաձայն՝ վարչությունն ամեն ամիս աշխատակիցներից այս թեմայի ուսումնասիրման վերաբերյալ հաշվետվություններ է պահանջել։
