Կոնվերս բանկը Converse Bank Yerevan Spring Run 2018 վազքի մարաթոնի հովանավորն է: Նախատեսվում է, որ սիրողական վազքի այս գարնանային մարաթոնին կմասնակցի մոտ հազար վազորդ:
«Բանկը պարբերաբար աջակցում է նման միջոցառումների կազմակերպմանը՝ իր ավանդը ներդնելով առողջ ապրելակերպի խրախուսման, սպորտի հանրայնացման հարցում: Ըստ որում՝ մենք հանդես ենք գալու ոչ միայն որպես մարաթոնի հովանավոր, այլև՝ մասնակից»,- ասացին Կոնվերս բանկում:
Հիշեցնենք, որ Կոնվերս բանկը հովանավորել է նաև նախորդ տարի աշնանը կայացած Վազքի կիսամարաթոնը, իսկ բանկի աշխատակիցների թիմը վազորդների հետ հաղթահարել է վազքի բոլոր բարդությունները:
«Բանկի 25-ամյակի միջոցառումների շրջանակներում սա այս տարի առողջ ապրելակերպի խրախուսմանը միտված առաջին նախաձեռնությունն է: Առաջիկայում բանկը կսկսի ևս մեկ՝ ավելի լայնամասշտաբ նախագծի իրականացում, որի շրջանակներում Երևանի, Հայաստանի տարբեր մարզերի և Արցախի բնակիչների համար կկառուցվեն մարզահրապարակներ»,- ասացին բանկում:
Մարաթոնին մասնակցության հայտը՝ հղմամբ: