Yerkir.am-ը գրում է.
Սյս պահի դրությամբ ոստիկանական տարբեր բաժանմունքներ է տարվել 83 քաղաքացի: Այս մասին Yerkir.am-ին հայտնեցին ոստիկանությունից:
Նշենք, որ ոստիկանություն տարված քաղաքացիների թվում էր նաև ԱԺ պատգամավոր Նիկոլ Փաշինյանի որդին` Աշոտ Փաշինյանը, որին արդեն ազատ են արձակել:
Քաղաքացիներին շատ դեպքերում բերման են ենթարկում քաղաքացիական հագուստով անձինք: Այս կապակցությամբ ոստիկանությունը հայտարարել է, որ քաղաքացիական հագուստով բերման ենթարկելու գործողություն իրականացնող անձինք ոստիկանության ծառայողներ են, որոնց գործողությունների համար ամբողջ պատասխանատվությունը կրում է ոստիկանությունը:
Այս պահին Նիկոլ Փաշինյանի կողմնակիցները, մի քանի խմբերի բաժանված, շարունակում են անհնազանդության գործողություններ իրականացնել մայրաքաղաքի տարբեր փողոցներում և խաչմերուկներում: