Armsport.am-ը գրում է.
Հայաստանի շախմատի ակադեմիայում ընթացող պատանեկան առաջնությունների գրեթե բոլոր խմբերում նշմարվել են առաջատարների խմբերը:
Այս մասին հայտնում է Հայաստանի շախմատային ֆեդերացիայի պաշտոնական կայքը:
Մինչև 10 տարեկան պատանիների ենթախմբում առաջատարներն են 6-ական միավոր վաստակած Դավիթ Ալեքսանյանը և Ռուդոլֆ Փաշիկյանը:
4.5 միավորով 3-րդ հորիզոնականում է ընթանում Էդիկ Հովսեփյանը:
Մինչև 10 տարեկան աղջիկների ենթախմբում միանձնյա առաջատարն է 5.5 միավոր վաստակած Միլենա Մուրադխանյանը:
4 շախմատիստուհի առաջատարից հետ են կեսական միավորով:
Մինչև 12 տարեկան պատանիների առաջնությունում աղյուսակը 6 միավորով գլխավորում է Էմին Օհանյանը: Ռոբերտ Փիլիպոսյանը և Ալեքս Սահակյանը առաջատարից հետ են կեսական միավորով:
Մինչև 12 տարեկան աղջիկների խմբի առաջատարն է Սեդա Բադալյանը: 2-րդ հորիզոնականում գտնվող Անուշ Ասրյանը առաջատարից հետ է կես միավորով:
Մինչև 14 տարեկան պատանիների առաջնության միանձնյա առաջատարն է 4.5 միավոր վաստակած Ռոբերտ Մուրադյանը: Մամիկոն Ղարիբյանը 4 միավորով գտնվում է 2-րդ հորիզոնականում:
Ամբողջական հոդվածը կարող եք կարդալ այստեղ։
