Մեզնից յուրաքանչյուրը գիտի, որ ատամի խոզանակը պետք է փոխել 2-3 ամիսը մեկ: Ցավոք, ոչ բոլորն են հետևում այս կանոնին:
Փոխարենը ոչ բոլորը գիտեն, որ սանրերը, բարձերը և հողաթափերն անհրաժեշտ է որոշ ժամանակը մեկ փոխել: Ամեն ինչն ունի պահպանման վաղեմության ժամկետ, բայց մարդիկ ոչ միշտ են հիշում, որ դրանք պետք է դեն նետել: Իհարկե, մենք հակված ենք կապվելու մեր հին իրերին: Շատ կանայք կարծում են, որ իրենց հին հողաթափերն աշխարհի ամենահարմարավետ հողաթափերն են և դրանցից այլևս չեն գտնի:
Կարծում եք՝ դա ձեզ չի՞ վերաբերում: Այդ դեպքում ասացեք, թե վերջին անգամ երբ եք փոխել սրբիչները:
Եկեք իմանանք, թե որ իրը որքան ժամանակը մեկ է պետք փոխել:
1. Սանր
Սանրը պետք է փոխել տարին մեկ: Բացի այդ՝ շաբաթը մեկ այն պետք է լվանալ:
2. Ատամի խոզանակ
Ատամի խոզանակը մանրէների իսկական պահեստարան է, այդ պատճառով այն անհրաժեշտ է փոխել 3 ամիսը մեկ:
3. Սրբիչներ
Սրբիչը իդեալական միջավայր է մանրէների վերարտադրության համար և այն պետք է փոխել 1-3 տարին մեկ:
4. Օծանելիք
Օծանելիքի պահպանման ժամկետը 1-3 տարի է՝ կախված նրանից՝ փակ է տուփը, թե բաց:
5. Կրծկալ
Կրծկալը պետք է դեն նետել հագնելուց 1–2 տարի հետո: Այս ժամկետից հետո այն կորցնում է իր ճիշտ ձևն ու էլաստիկությունը:
6. Բարձեր
Բարձերը պետք է փոխել 2–3 տարին մեկ, քանի որ դրանք ևս կորցնում են իրենց ձևը և մանրէների առաջացման համար ևս հիանալի միջավայր են:
7. Ալյուր
Ալյուրը կարելի է պահպանել 6-ից 12 ամիս՝ կախված դրա տեսակից:
8. Հողաթափեր
Հողաթափերը հարմար վայր են սնկային ինֆեկցիաների առաջացման համար։ Դրանք անհրաժեշտ է փոխել ամեն 6 ամիսը մեկ:
9. Մեքենաների մեջ հարմարացվող մանկական նստարան
Մեքենաների համար նախատեսված մանկական նստարանները կորցնում են իրենց ձևը օգտագործելուց 6 տարի հետո. նշանակում է՝ դրանից հետո այլևս հնարավոր չէ ապահովել երեխայի անվտանգությունը:
10. Համեմունքներ
Համեմունքները պահպանվում են 1-ից 3 տարի: Աղացած համեմունքներն անհրաժեշտ է դեն նետել 6 ամիս պահպանելուց հետո:
