Yerkir.am-ը գրում է.

ՀՀ 4-րդ նախագահ Արմեն Սարգսյանի երդման արարողությունից հետո ԱԺ ՀՅԴ խմբակցության քարտուղար Աղվան Վարդանյանը, պատասխանելով լրագրողների հարցին` ժողովուրդը ե՞րբ կզգա փոփոխությունները, ասաց, որ փոփոխություններն արդեն նկատելի են: «Ցանկացողները կտեսնեն, որ մեր երկրում իսկապես որակական, արմատական փոփոխություններ են կատարվում: Վստահ եմ` այս տեմպով աշխատելու, պատասխանատու լինելու պարագայում չի ուշանա նաև ձեր ամենօրյա հարցի պատասխանը»,- ասաց նա:

Վարդանյանի կարծիքով` պարզ քաղաքացիներից շատերն այդ հարցը չեն տա: «Նրանք նկատում են, տեսնում են առաջին քայլերը: Դրա համար ժամանակ է պետք, որոշ ժամանակ: Վստահ եղեք, որ մենք ունենալու ենք հրաշալի, ուժեղ, արդար և սոցիալապես ապահով երկիր: Շնորհավորում եմ ՀՀ նորընտիր նախագահ Արմեն Սարգսյանին»,- եզրափակեց պատգամավորը:

Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print Տպել