Armsport.am-ը գրում է․
«Փյունիկի» գլխավոր մարզիչ Արմեն Գյուլբուդաղյանցն առաջնության 21-րդ տուրի՝ «Բանանցի» հետ անցկացրած արտագնա խաղից հետո պատասխանել է լրագրողների հարցերին:
«Փյունիկը», հիշեցնենք, 0:2 հաշվով պարտություն է կրել.
«Խաղին կադրային կորուստներով էինք մոտեցել: Հավաքականի խաղերով պայմանավորված դադարի ընթացքում մեզ մոտ վնասվածքներ եղան, ընդ որում մի քանի առանցքային խաղացողներ շարքից դուրս մնացին:
Այս խաղում էլ դեղինների կուտակման պատճառով չկարողացավ մեզ օգնել Արթուր Քարտաշյանը, Պետրոս Ավետիսյանը դեռ լիովին չէր ապաքինվել:
Փորձեցինք մեր ֆուտբոլը խաղալ, ստեղծեցինք գոլային պահեր, բայց Ռումյան Հովսեփյանի գեղեցիկ գոլը մի քիչ կոտրեց մեզ... կարծես՝ ով խփեր առաջին գոլը, նա էլ կհասներ հաջողության: Չնայած դրանից հետո գոլային պահ ունեցանք, չկարողացանք օգտագործել»:
- Վնասվածք ունեցող ֆուտբոլիստների վերականգնման ժամկետները հայտնի՞ են:
- Վնասվածք ունեցող խաղացողներին այսօր ավելացել է Դիդյե Բորիսը: Գոռ Մանուկյանը մեկ շաբաթ է չի մարզվում: Պետրոս Ավետիսյանը նոր է սկսել մարզվել: Մի քանի ֆուտբոլիստ էլ նույնիսկ կիսավնասվածքներով էին խաղում:
- Լևոն Հայրապետյանի վերականգնումն ինչպե՞ս է ընթանում:
- Լևոնը վաղուց վիրահատվել է: Տա Աստված շուտ լավանա և մեր թիմին: Երկու-երեք ամիս դեռ կպահանջվի վերջնական վերականգնման համար: Վերականգնողական փուլը Գերմանիայում է անցնում: