Դելիից ոչ հեռու հնդկական քաղաքի բնակչուհուն կապել են ծառից, որից հետո սեփական ամուսինը նրան 100 հարված է հասցրել կաշվե գոտիով, մինչ մնացած տղամարդիկ՝ խմբված շուրջբոլորը, նայում էին, թե ինչ է տեղի ունենում: Այդպիսով ամուսինը պատժել է կնոջը դավաճանության համար, որի փաստը ապացուցվել է ժողովրդական դատարանի կողմից, հաղորդում է Mirror-ը:

Կինը, ում ինքնությունը դեռևս չի հաստատվել, գիտակցությունը կորցնելու աստիճան ծեծի էր ենթարկվել: Ավելի ուշ ամբոխից որոշ մարդիկ նրան բռնաբարել են: Ոստիկանների տվյալներով՝ միջադեպից հետո կալանավորվել են երեք տղամարդիկ՝ ներառյալ տուժածի ամուսինն ու որդին: Այժմ հետախուզվում է ևս 30 մարդ, ովքեր նայում էին, թե ինչ է տեղի ունենում:

Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print Տպել