Ուժեք քամիների վտանգի մասին ԱԻՆ հայտարարությունից հետո գյուղատնտեսներին ուղղված հորդորներով հանդես է եկել գյուղատնտեսության նախարարությունը:
«Համաձայն ՀՀ արտակարգ իրավիճակների նախարարության հիդրոմետ ծառայության տեղեկատվության` ս.թ. մարտի 24-ին` կեսօրից մինչև մարտի 25-ի կեսօր, հանրապետության տարածքում սպասվում են վտանգավոր ուժգնության քամիներ:
Շիրակում, Լոռիում, Տավուշում, Գեղարքունիքում և Սյունիքում քամու պոռթկումները կարող են հասնել 30-35 մ/վրկ-ի, Կոտայքում, Արմավիրում, Արագածոտնում, Արարատում, Վայոց ձորում և Երևանում՝ 20-25 մ/վրկ-ի:
Քամու արդյունքում հնարավոր վնասները նվազեցնելու նպատակով ՀՀ գյուղատնտեսության նախարարությունը հորդորում է ուշադրության կենտրոնում պահել ջերմոցները, մասնավորապես լրացուցիչ ամրացնել թաղանթապատ ջերմոցների ծածկերը, ամուր փակել ջերմոցների օդանցքները»,-ասված է գյուղատնտեսության նախարարության տեղեկատվությանև հասարակայնության հետ կապերի բաժնի տարածած հայտարարության մեջ:
