Այս մեթոդը դուր չի գա օրինազանց և անկարգապահ վարորդներին, բայց վստահ եմ, որ աշխարհում մի օր հաստատ կսկսվի սա կիրառվել և մենք կարող ենք լինել առաջինը։
Հաշվառված բոլոր մեքենաների մեջ տեղադրում ենք GPS համակարգեր, որտեղ նշված է, թե որ փողոցում որքան է թույլատրելի առավելագույն արագությունը, տվյալ խաչմերուկից ձախ գնալ կամ հետադարձ կատարել թույլատրվում է, թե ոչ։
Եվ այսպես՝ ցանկացած պահի, երբ մեքենան կգերազանցի սահմանված առավելագույն արագությունն ավելի քան 3 վայրկյանով, կսկսի ավտոմատ համակարգով տուգանվել, կկատարի սխալ շրջադարձ՝ կրկին տուգանք։
Ամեն ամսվա սկզբում էլեկտրոնային կամ թղթային տարբերակով կծանուցվենք նախորդ ամսվա խախտումների մասին։
Սրա շնորհիվ փողոցներից կվերանան երթևեկության կանոններ չիմացողները և կունենանք զգոնության գագաթնակետին գտնվող վարորդներ, վրաերթի վայրից փախուստ կատարելը կլինի անիմաստ և այլն։
Հ.Գ. Գրառումը, բնականաբար, կես կատակ, կես լուրջ է. կատակ՝ ժողովրդի համար, լուրջ՝ պոտենցիալ ներդրողների։
