Արական սեռական օրգանների ձևավորման հետ կապված խնդիրներն ազդում են բոլոր տղաների միայն մեկ տոկոսի վրա, և մեծ հետաքրքրություն ունեն հետազոտողների համար:

Սալինասի հեռավոր դոմինիկյան գյուղում գիտնականները հայտնաբերել են յուրահատուկ երևույթ. մինչև 12 տարեկանը տղա երեխաների մոտ չեն ձևավորվում և ոչ մի կերպ չեն երևում արական սեռական օրգանները, ընդ որում՝ լիարժեք սեռական հասունացման ստերոիդոգենեզի համար պատասխանատու ֆերմենտի պակաս ունեցող 10 տղաներից հասունանում է միայն 7-ը:

Նորածին տղաներին, ովքեր չունեն սեռական օրգաններ, հաճախ տալիս են կանանց անուններ և դաստիարակում են որպես աղջիկ. նրանցից շատերը շարունակում են կնոջ կենսակերպ վարել նույնիսկ չափահաս դառնալուց հետո: Նույն ընտրությունն անում են նաև այն տղաները, ում սեռական օրգանները ձևավորվում են 12-14 տարեկանում:

Այս խնդրի բժշկական լուծումը, ըստ գիտնականների, հնարավոր է միայն ախտորոշման վաղ փուլերում, ընդ որում՝ գործընթացը շատ ժամանակատար է, իսկ հորմոնալ թերապիայի արդյունքը երաշխավորված չէ:

Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print Տպել