Life.panorama.am-ը գրում է.
Շաքարավազն ու մեղրը հանդիսանում են կերակրատեսակների քաղցր համն ապահովող ամենաշատ օգտագործվող բաղադրիչները։ Ի տարբերություն շաքարավազի, որը միայն կերակրատեսակներին քաղցր համ է հաղորդում՝ մեղրն ինքնին սննդարար և բուժիչ հատկություններով օժտված սննդատեսակ է։
Թե՛ շաքարավազը, թե՛ մեղրը պարունակում են ածխաջրեր և երկու տեսակի շաքար՝ գլյուկոզա և ֆրուկտոզա։ Ռաֆինացված ֆրուկտոզան լյարդում նյութափոխանակության է ենթարկվում, որն էլ հանգեցնում է ճարպակալման, ճարպային հեպատոզի և շաքարային դիաբետի զարգացման։
Թե՛ գլյուկոզան, թե՛ ֆրուկտոզան արագ անցնում են արյան բաղադրության մեջ՝ բարձրացնելով այնտեղ շաքարի պարունակությունը։
Շաքարավազը բաղկացած է 50 տոկոս ֆրուկտոզայից և 50 տոկոս գլյուկոզայից, մինչդեռ մեղրը բաղկացած է 40 տոկոս ֆրուկտոզայից, 30 տոկոս գլյուկոզայից, իսկ մնացած 30 տոկոսը՝ ջրից, հանքանյութերից՝ այդ թվում մագնեզիումից և կալիումից։ Շաքարավազի գլիկեմիկ ինդեքսն ավելի բարձր է, քան մեղրինը, ինչը նշանակում է, որ շաքարազավն ավելի շուտ է բարձրացնում արյան մեջ շաքարի պարունակությունը։
Ամբողջական հոդվածը կարող եք կարդալ այստեղ։
