Tert.am-ը գրում է.
Օրեր առաջ «Ժողովուրդ» օրաթերթը նյութ էր հրապարակել` փորձելով պարզել, թե նախորդ տարվա ընթացքում ի՞նչ նպատակներով են ծախսվել նախարարությունների արտաբյուջետային միջոցները: Հրապարակման համաձայն` կառավարության աշխատակազմի արտաբյուջետային միջոցների ընթացիկ եկամուտները կազմել են 96 մլն դրամ, բայց ծախսերը գրեթե 2 մլրդ դրամ ավելի են իրականացվել: Օրինակ՝ 969 մլն դրամ կազմել են ընթացիկ ծախսերը, միայն 41 մլն դրամից ավելի ծախսվել է աշխատողների աշխատավարձի և հավելավճարների վրա, մոտ 3.5 դրամ էլ հատկացրել են ներկայացուցչական ծախսերին։
Հարցի առնչությամբ Tert.am–ը պարզաբանում է ստացել ՀՀ կառավարության Տեղեկատվության և հասարակայնության հետ կապերի վարչությունից։
-«Ժողովուրդ» օրաթերթում հրապարակում է եղել կառավարության աշխատակազմի արտաբյուջետային միջոցների մասին:
-Քանի որ նշված հրապարակման մեջ ներկայացված էին 2017թ. 9 ամիսների տվյալները, ապա կներկայացնենք նույն ժամկետի կտրվածքով արդյունքները:
Հրապարկված թվերը ճշգրիտ չեն, քանի որ գումարվել են տարբեր ծրագրերի թվերը՝ փաստացի ու պլանավորված ցուցանիշները խառնելով: Ինչ վերաբերում է գնահատականներին, ապա պետք է նշել, որ արտաբյուջետային հաշիվների միջոցներն ուղղվել են ոչ թե կառավարության աշխատակազմի ծախսերին կամ աշխատողների աշխատավարձերին (ինչպես նշվում է), այլ՝ կոնկրետ ծրագրերի, որոնց ծավալների վերաբերյալ տեղեկություններն ու հաշվետվությունները հրապարակային են:
Ամբողջական հոդվածը կարող եք կարդալ այստեղ։
