Ֆիննական կաթնամթերքի լավագույն որակներն արդեն Հայաստանում են: Երեկ տեղի ունեցավ «Valio-Caviar Night» փակ միջոցառումը, որտեղ ֆիննական կաթնամթերքի հսկան ներկայացրեց իր՝«Valio Master» պրեմիում դասի կարագը: Երեկոյի ընթացքում հյուրերը ճաշակեցին «Valio Master» կարագը սև ձկնկիթի համադրությամբ, ինչպես նաև վայելեցին հայկական էթնո-ջազ երաժշտություն:
«Valio» ապրանքանիշի հայաստանյան պաշտոնական մատակարարը «Մառնիկ ընկերությունն է, որի տնօրեն Գրիգոր Մանթաշյանը հավատացնում է՝ ապրանքանիշը մշակվում է հատուկ մեթոդիկայով և հատուկ պայմաններում:
«Valio» ապրանքանիշը հիմնադրվել է 1905 թվականին: Այն զբաղվում է կաթնամթերքի արտադրությամբ: Ընկերությունն առաջարկում է կարագների, պանիրների, յոգուրտների և այլ տեսակի կաթնամթերքի մոտ 1000 տարատեսակ: Ընկերությունը Ֆինլանդիայի կաթնամթերք արտադրող և արտահանող ամենամեծ ընկերությունն է, որին բաժին է հասնում երկրի կաթնամթերքի արտահանման շուրջ 97 տոկոսը: «Վալիո» ապրանքանիշը ներկայացված է աշխարհի ավելի քան 60 երկրում, այդ թվում՝ Հայաստանում (1993թ).-ից՝ ի դեմս «Մառնիկ» ընկերության:
Նշենք, որ մարտի 8-ին ԱՄՆ Վիսկոնսին նահանգում տեղի ունեցած «Պանրի եւ կաթնամթերքի աշխարհի չեմպիոնատ»-ում «Valio Master» անալի կարագների դասում ճանաչվել է լավագույնը 30 երկրների շարքում: