Armsport.am-ը գրում է.
«Չելսիի» դարպասապահ Տիբո Կուրտուան կարծում է, որ մրցաշրջանի միջնամասը լավագույն ժամանակը չէ ակումբի հետ նոր պայմանագիր կնքելու համար:
Բելգիացի դարպասապահի գործող պայմանագիրը «Չելսիի» հետ նախատեսված է մինչև 2019 թվականի ամառը.
«Ես հավատարիմ եմ «Չելսիին: Պայմանագիրս նախատեսված է մինչև հաջորդ տարի և ես այն ավարտին կհասցնեմ:
Ակնհայտ է, որ այն դեռևս չի երկարաձգվել, բայց ես կարծում եմ` հիմա հարմար պահը չէ: Ավելի լավ կլինի սպասել մրցաշրջանի ավարտին: Միայն կարող եմ ասել, որ հավատարիմ եմ «Չելսիին»: Այդպես կլինի նաև հաջորդ տարի»,- ասել է Կուրտուան:
Նշենք` ավելի վաղ հաղորդվում էր, որ Կուրտուան կարող է տեղափոխվել «Ռեալ»:
Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print
Տպել
