Մեծ Բրիտանիայի արտաքին գործերի նախարար Բորիս Ջոնսոնը հայտարարել է, որ Միացյալ Թագավորության տարածքում նյարդապարալիտիկ նյութի կիրառման հրաման է արձակել ՌԴ նախագահ Վլադիմիր Պուտինը:
«Մենք ոչինչ չունենք Ռուսաստանի դեմ: Տեղի ունեցածը չպետք է ռուսաֆոբիայի հանգեցնի: Կարծում ենք, որ նյարդապարալիտիկ նյութի օգտագործման հրամանն արձակել է Պուտինը: Դա հրաման էր՝ օգտագործելու այդ նյութը Մեծ Բրիտանիայում՝ եվրոպական պետությունում, Երկրորդ համաշխարհային պատերազմի տարիներից ի վեր առաջին անգամ»,- ասել է Ջոնսոնը:
Ջոնսոնի այս հայտարարությունը Ռուսաստանում «դիվանագիտական պարկեշտության աններելի խախտում» են անվանել: Կրեմլի մամուլի խոսնակ Դմիտրի Պեսկովը հերթական անգամ հերքել է այդ դեպքին Ռուսաստանի ներգրավվածությունը:
Նյութի աղբյուր՝ http://operativ.am/?p=266595&l=am
Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print
Տպել
