Ճապոնիայի կառավարությունը երկրում թռչող ավտոմեքենաների մշակմանն ակտիվորեն աջակցելու որոշում է կայացրել՝ տրանսպորտային խցանումների խնդիրը լուծելու նպատակով։ Ընկերություններին օգնության և համապատասխան օրենսդրության մշակման հարցերով կզբաղվի էկոնոմիկայի, առևտրի և արդյունաբերության նախարարությունը, հաղորդում է NHK հեռուստաալիքը։

Գերատեսչությունը թռչող ավտոմեքենաների ստեղծումը դիտարկում է որպես ազգային ինդուստրիայի զարգացման ամենահեռանկարային ոլորտներից մեկը։ Ենթադրվում է նախարարությանն առընթեր փորձագետների խորհուրդ կազմավորել, որը պետք է զբաղվի նման սարքավորումների մշակման աշխատանքների կոորդինացմամբ, առաջարկված տեխնոլոգիաների քննարկմամբ։

Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print Տպել