Aysor.am-ը գրում է.
Հայաստանի Հանրապետական կուսակցությունը չի քննարկել ապրիլին ձևավորվելիք կառավարության կազմն ու վարչապետի թեկնածությունը, այսօր ՀՀԿ ԳՄ նիստից հետո լրագրողների հետ ճեպազրույցում ասաց ՀՀԿ խոսնակ Էդուարդ Շարմազանովը:
Անդրադառնալով դիտարկմանը՝ եթե վարչապետ Կարեն Կարապետյանը լավ է աշխատել, ապահովել է տնտեսական աճ, ինչու՞ է ՀՀԿ-ն պատրաստվում փոխարինել նրան, Շարմազանովն ասաց.
«Դուք արդեն որոշե՞լ եք, որ փոխարինում ենք: Բոլոր փորձերը վարչապետ Կարեն Կարապետյանին անջատել, հակադրության մեջ դնել իր ՀՀԿ ընկերներից և կուսակցությունից, ոչ միայն անթույլատրելի են, այլև իրենց նպատակին չեն հասնի: Գնացեք այլ գործով զբաղվեք: Վարչապետ Կարեն Կարապետյանը մեր քաղաքական թիմի առանցքային անդամներից է»:
Նա ևս մեկ անգամ ընդգծեց՝ ՀՀԿ-ն դեռևս չի քննարկել կառավարության կազմը։
Ամբողջական հոդվածը կարող եք կարդալ այստեղ։
