Սերբիայի նախագահ Ալեքսանդր Վուչիչը հայտարարել է, որ իր երկիրը պատրաստ է Կոսովոյի հարցում համաձայնության գալ:
Այս մասին նա հայտարարել է ԱՄՆ պետքարտուղարության ներկայացուցիչ Վես Միտչելի հետ հանդիպման ժամանակ:
«Մեզ համար դեպի Եվրոպա ճանապարհի ամենամեծ խոչընդոտն իրականում Կոսովոյի հետ կապված իրավիճակն է հանդիսանում, և այդ պատճառով էլ Սերբիան պատրաստ է խոսել հնարավոր համաձայնությունների մասին»,- ասել է Վուչիչը:
ԵՄ-ն պնդում է, որ միություն մտնելու գլխավոր պայմանը Բելգրադի և Պրիշտինայի միջև հարաբերությունների կարգավորումն է:
«Մենք կարող ենք միայն կոմպրոմիսը ընդունել, բայց ոչ մեր ժողովրդի նվաստացումը»,- ընդգծել է Վուչիչը:
Հիշեցնենք, որ փետրվարին, իր բալկանյան շրջագայության ընթացքում, Եվրահանձնաժողովի նախագահ Ժան-Կլոդ Յունկերը հայտարարել էր, որ Սերբիան պետք է լուծի Կոսովոյի վեճը՝ Եվրամիություն մուտք գործելու իր հայտի շրջանակներում: