Yerkir.am-ը գրում է.

Վրաստանի խորհրդարանի նախագահ Իրակլի Կոբախիձեն խորհրդարանի բյուրոյի նիստում հայտարարել է, որ Վրաստանի Հանրային հեռուստաընկերությունում նախատեսված փոփոխությունններն ուղղված են «մահացածին վերակենդանացնելուն», և հույս է հայտնել, որ այդ փոփոխությունները դրական արդյունքներ կտան: Այդ մասին հայտնում է Грузия Онлайн-ը:

«Հանրային հեռուստաընկերությունը երկար ժամանակ մահացած է եղել, հենց այդ պատճառով մենք ընդունեցինք այդ փոփոխությունները: Սպասումներ կային, որ վերակազմավորման արդյունքում վարկանիշը կբարձրանա»,- ասել է Կոբախիձեն:

 Հայտնի է, որ Վրաստանի խորհրդարանն ավելի վաղ վիճելի օրինագիծ էր ընդունել «Հեռարձակման մասին» օրենքում փոփոխություն անելու մասին, որը հիմնականում ուղղված է Հանրային հեռուստաընկերության զարգացման համար պայմաններ ստեղծելուն: Մասնավորապես` օրենքը թույլ է տալիս աշխատանքային օրերին կոմերցիոն գովազդի տեղադրում, ինչպես նաև պետբյուջեից ստացվող միջոցների տրամադրում սկսնակ ձեռնարկությունների ֆինանսավորմանը:

Օրենքը դժգոհություն է առաջացրել մասնավոր հեռուստաընկերությունների շրջանում, քանի որ, ըստ նրանց, պետբյուջեից ֆինանսավորվող Հանրային հեռուստաընկերությունը խլում է իրենցից գովազդային շուկան:

Օրենքն ուժի մեջ կմտնի, երբ այն ստորագրի խորհրդարանի նախագահը:

Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print Տպել